Горилла 5 утасны дэлгэцийг 160 см-аас унагаахад хагарахгүй

Ухаалаг утасны томоохон асуудлуудын нэг нь гаднах шил хагарч гэмтэх, сэвтэх явдал байдаг. Селфи хийх гэж байгаад утсаа унагаах тохиолдол ч олон гардаг.

Тэгвэл АНУ-ын шил үйлдвэрлэгч "Корнинг" компани шилний "Горилла" загварын дараагийн хувилбарыг танилцуулсан бөгөөд уг шилийг 1.6 метрийн өндрөөс унагаахад хагарахгүй байх магадлал 80 хувьтай байх гэнэ.

Шинэ шилийг барзгар гадаргуу дээр лабораторийн нөхцөлд 20 гаруй удаа унагасан боловч хагараагүй байна. Ийнхүү унагаахад зураас гарах болон бусад гэмтлүүд нь одоогийн зах зээл дээр байгаа шилнүүдтэй харьцуулахад хоёр дахин бага байсныг "Корнинг" компани онцолжээ.

Гар утас үйлдвэрлэгчид шинэ загварын шил ашиглан хийсэн бүтээгдэхүүнүүдээ ойрын саруудад танилцуулах юм. Харин "Корнинг" компани ухаалаг утасны загварыг өөрчлөх боломжгүй учраас зарим төрлийн утас нь загвар болон үйлдвэрлэлээс шалтгаалан хэврэг болж магадгүй гэж анхааруулжээ.

“Samsung” болон “Apple” зэрэг ухаалаг утаснуудын 70 гаруй хувьд "Корнинг"-ийн үйлдвэрлэсэн шилийг ашигладаг ажээ.

Эх сурвалж: МоЦаМэ агентлаг Х.Сарнай

 

Бусадтай энэ мэдээллийг хуваалцаарай.

Энэ мэдээ танд таалагдаж байвал LIKE хийгээрэй. Танд баярлалаа.



2016-05-04 5549

2016-01-21 4956

2016-05-30 4112

2016-03-14 3889

2016-01-22 3743

2016-02-29 3216

2016-03-21 3098

2016-01-22 3080

2016-01-27 2861

2016-08-04 2725

2016-02-23 2568

2016-01-25 2556

2016-04-27 2477

2016-08-19 2443

2016-03-02 2278

2016-08-26 2244

2016-06-07 2172

2016-08-18 2091

2016-08-04 2026

2016-08-24 2015